Hillus Herzdropfa

Info

Soll hoißa: Wenn du Ü60 bist, kannst du oft Buchstaben nicht mehr aus der Nähe erkennen, dafür Rindviecher schon aus der Ferne!

Unser Leitspruch:
Bloß et zweit vonna, sonscht kennt man oina uf da Riebl griaga!
Bloß et zweit henda, sonscht kennt ma den Anschluß verbassa!
Ällaweil mittla denna em großa Haufa,
no ka ma schbätr saga „ mir send drbei gwea-odr au it!

Endlich send mir alt gnuag, om den Stress und d‘ Hektik zom vergessa! Okay, in unserem Alter werret mir wahrscheinlich no vill mehr vergessa.
Ü 60 ond koi bissle leise ! Jetzt send mir Hillus Herzdropfa en dem Alter ahkomma, en dam mir endlich ibr d’Jugend von heit goscha kennet!

Wenn mir de Leut verzehlet, dass mir Ü 60 send, werret dia erschtaunt sei, wia guat mir uns ghalta hand! Des kommt von dr guata Luft auf dr schwäbischa Alb!

Dr’Maddeis sait: Mir duat mei Kreuz weh, ond d Vorderseite isch au nemme dees!“
D Lena sait:“Ma ka an oim Dag viel falsch macha, du musch bloß bald gnuag aufschtau“!
Hillus Herzdropfa send: Alt genug, um es besser zu wissen …und jung genug, um es trotzdem zu tun!

Hillus Herzdropfa leabet vom Applaus ihrer Zuschauer!
D Lena sait“ Humor isch it älles, aber ohne den isch älles nix“!
Dr‘ Maddeis sait: „Applaus isch wia ein BH it ohbedengt zwingend, aber es hebt die Sache ungemein“!

Ü 60: Des Programm isch besser, wia ebbes was it so guat isch!

Hillus Herzdropfa kommet direkt von dr Alb ra!
Uff dr Alb hoißts:
Rede wenig, rede wahr, trinke mäßig, zahle bar!
Do kommt dr Wohlschtand it von de große Einnahmen, eher von de kloine Ausgaba!
Lasset euch überrascha, was Hillus Herzdropfa wieder auf d‘ Bühne brenget!
Abr denket dra: Ma macht d’Leut bloß oimol. Wia se grodet, so send se!