Schäl Sick Story, Köln

Der Tünnes es knatschjeck op et Marie un die zwei wolle hierode. End of Story – ävver nit et Engk vun der "Schäl Sick Story". Zwesche däm Schmölzche vum Tünnes und dä Famillich vum Marie existeet nämlich en urald Feindschaff. Dozo kütt, dat et Marie die Dochter vun däm beröhmte Erbsenfabrikant Jupp Kappes es. Dä es ene Ääzezäller un däm sing Frau, et Marizebill, hät gewaltig en Ääz am sause. Do ka’mer sich vürstelle, dat dä Tünnes, dä och noch vun der Schäl Sick kütt, als Schwiegersohn nit akzepteet weed. Doch manchmol es de Leev stärker wie alle Intrige un Kujaxereie. Manchmol sugar stärker wie der Dud.

Das beliebte und glitterflitterjecke Scala Theater Ensemble spielt die größte Liebesgeschichte der Welt.